Безживотните тела на најмалку 17 луѓе се пронајдени во ноќен клуб во Јужна Африка, објави Би-би-си. Полицијата соопшти дека се истражуваат околностите под кои починале луѓето во клубот, додавајќи дека е рано да се утврди причината за смртта. На сликите објавени на социјалните мрежи се гледаат тела без видливи траги од повреди, како лежат на подот од клубот.
Според неофицијални информации, во клубот имало роденденска прослава и се претпоставува дека станува збор за труење.
Јужноафриканските власти соопштија дека жителите во неделата во раните утрински часови ја предупредиле полицијата дека нешто се случило во таверната Енџобени во местото источен Лондон.
Полицијата соопшти дека се истражуваат околностите под кои починале луѓето во клубот, додавајќи дека е рано да се утврди причината за смртта. „Станува збор за лица на возраст од 18 до 20 години“, изјави полицискиот функционер Тембинкоси Кинана и додаде дека во тек е истрага за околностите во кои загинале.
Локалната телевизија објави дека полицијата се обидува да ја смири толпата собрана пред клубот во градот, кој се наоѓа на брегот на Индискиот Океан, на речиси 1.000 километри јужно од Јоханесбург.
