Бил Клинтон позитивен на коронавирус

Поранешниот американски претседател Бил Клинтон објави дека е позитивен на тестот за Ковид-19 и дека има благи симптоми.

-Имам благи симптоми, но генерално сум добро и сум дома, напиша на Твитер 76-годишниот демократ, кој служеше во Белата куќа од 1993 до 2001 година.

„Среќен сум што бев вакциниран и што примив засилувачка доза“, додаде тој и ги повика „сите да го прават истото, особено кога се наближува зимата“.

42-от американски претседател беше хоспитализиран во октомври 2021 година поради инфекција на уринарниот тракт која се прошири во крвотокот, предизвикувајќи сепса.

Бил Клинтон имаше многу здравствени проблеми во минатото. По напуштањето на Белата куќа, тој се вклучи во многу хуманитарни и дипломатски активности.

Доколку преземете содржина од оваа страница, во целост сте се согласиле со нејзините Услови за користење.