-1 C
Skopje
сабота, јануари 16, 2021

Битиќи-Бенгстон: Потенцијал за зголемување на трговската соработка на Македонија и Шведска

278

– Ќе доживееме голем успех, доколку сите посветено работиме на создавање конкурентен регион, а не конкуренција меѓу земјите од регионот, истакнал Битиќи.

Македонија и Шведска имаат огромен потенцијал за зголемување на трговската размена и инвестициите, оцениле на денешната средба вицепремиерот за економски прашања Фатмир Битиќи и шведската амбасадорка во земјава Кристен Форсгрен Бенгстон.

Вицепремиерот Битиќи, како што соопшти неговиот Кабинет, посочил дека глобалните трендови и моменталната ситуација со кризата предизвикана од Ковид 19 покажуваат дека европските земји, кои сеуште не се членки на ЕУ, како што е Македонија, се многу атрактивна дестинација за нови инвестиции на глобалните компании, поради близината со Европската Унија, добрата поврзаност и можноста да се направи брз транспорт на производи до која било земја членка на ЕУ.

Битиќи нагласил дека Владата останува посветена на унапредување на регионалната соработка и на подигнување на конкуретноста на регионот во целина. Во тој контекст, според Битиќи, добро би било да се искористи искуството на скандинавските земји кои се успешен пример за регионална соработка.

– Ќе доживееме голем успех, доколку сите посветено работиме на создавање конкурентен регион, а не конкуренција меѓу земјите од регионот, истакнал Битиќи.

Амбасадорката Бенгстон, која му ја честитала на Битиќи новата функција, нагласила дека Шведска останува поддржувач на евроинтеграцисаките процеси на земјава и најавила дека во следниот период може да се очекува голема поддршка во реализација на конкретните проекти во земјата преку Шведската меѓународна агенција за развој.

Доколку преземете содржина од оваа страница, во целост сте се согласиле со нејзините Услови за користење.