Високиот претставник на Европската унија за надворешна политика и безбедност Жозеп Борел изјави дека ЕУ е со Србија во вакви тешки моменти по уште една трагедија во која загинаа невини луѓе.
Борел се огласи на Твитер во врска со пукањето што се случи синоќа во околината на Белград, во Младеновац, во кое загинаа осум лица, а 14 беа ранети.
„Уште едно масовно пукање во Србија во кое беа убиени невини луѓе. Ова е шокантна, страшна трагедија, ја чувствуваме болката и стоиме со народот на Србија во овие тешки моменти. ЕУ е со Србија“, напиша Борел на Твитер.
Another mass shooting in Serbia with innocent people killed.
This is a shocking, terrible tragedy – we feel the pain and stand with the people of Serbia in these difficult moments.
EU je uz Srbiju.
— Josep Borrell Fontelles (@JosepBorrellF) May 5, 2023
Осум лица загинаа, а 13 се ранети, од кои седум се во критична состојба во престрелката што се случи синоќа кај Младеновац, бидејќи напаѓачот пукал кон нив од автоматско оружје.
Најмладата жртва во престрелката во околината на Младеновац е 14-годишно дете, а убиен е и 20-годишен полицаец, како и неговата сестра.
Доколку преземете содржина од оваа страница, во целост сте се согласиле со нејзините Услови за користење.
