Борел тврди дека Русија е зависна од западните технологии оти санкциите имале влијание

Зависноста на Русија од европската и американската технологија е шест пати поголема од онаа од Кина, поради што алтернативните кинески производи не можат да ги задоволат потребите на руската економија под санкциите, тврди челникот на Европската унија за заедничка надворешна и безбедносна политика, Жозеп Борел, во интервју објавено денеска во весникот „Јомиури“.

„Некои можеби се прашуваат дали овие санкции навистина влијаат врз руската економија. Едноставниот одговор е „да“. Русија извезува многу суровини, но мора да увезе многу производи со висока додадена вредност што не ги произведува дома. Што се однесува до напредните технологии, Русија е 45 отсто зависна од Европа и 21 отсто од САД, додека за Кина овој удел е само 11 отсто“, објасни Борел.

Според него, Кина веќе ѝ нуди на Русија ограничено количество алтернативни производи, особено високотехнолошки производи. Меѓутоа, Борел не се осврнува на увозот на ретките минерали и метали од Кина и од Русија, коишто се токму потребни за развојот на западните високи технологии.

„Кина, која многу се потпира на извозот во развиените земји, досега не и понуди на Русија помош за заобиколување на западните санкции. Кинескиот извоз во Русија падна на нивото на извозот во западните земји“, нагласи шефот на европската дипломатија во интервјуто за весникот „Јомиури“.

Доколку преземете содржина од оваа страница, во целост сте се согласиле со нејзините Услови за користење.