Единствена држава која би сакала да почне преговори за приклучување кон Евроспакта унија со Македонија, дури и повеќе од Германија е Бугарија, но за мене беше големо изненадување што неодамнешната резолуција на Европскиот парламент за Бугарија го покрена прашањето за наводното македонско малцинство во Бугарија, вели бугарскиот претседател Бојко Борисов во интервју објавено во неделното издаение на германскиот дневен весбник Frankfurter Allgemeine Zeitung (FAZ).
„Во Бугарија нема македонско малцинство. Какво македонско малцинство треба да има во Бугарија? Јас не познавам такво малцинство. Од резолуцијата дознав дека има такво. И со оглед на тоа што бугарските социјалисти во ЕП ја поддржаа резолуцијата очигледно тие, исто така, сметаат дека такво малцинство живее кај нас. Наместо да водиме позитивна дебата за европскиот пат на Република Северна Македонија, сега се насочуваме кон сосема поинаква дебата. Сакам да напоменам дека навистина ме вознемири насоката во која се развија настаните“, вели Борисов за FAZ.
Бугарскиот премеир нагласува дека компромис со Македонија е можен, но вели дека е потребно да се познава историјата.
„Бугарските комунисти и Комунистичката интернационала, контролирана од сталинистичка Москва, сакаа од идеолошки причини по Втората светска војна да ги претворат насилно Бугарите во Македонија во Македонци. Бугарите таму беа принудени да се нарекуваат Македонци. Доколку сега во процесот на приклучување кон ЕУ се појават одредени погрешни тврдења и јас не реагирам, моите политички опоненти ќе кажат: ‘Борисов ја продава бугарската историја и подлегнува на притисоците на европските патнери’“, потенцира Борисов во интерјуто.
