Божикна честитка од Бигорскиот манастир

Композиторот Владимир Димовски, пријател на Бигорскиот манастир и соработник во музичките проекти, направи оркестрација на традиционалната божикна песна „Вечниот Бог“, на иницијатива на игуменот на манастирот, архимандрит Партениј.

Првпат кај нас овој карактеристичен напев беше прилагоден и за инструментална изведба. Притоа, вешто доловувајќи го нејзиниот богат источно-византиски православен мелос, нашите естрадни уметници Тамара, Елена, Стефан од „Некст тајм“ и Димитар, а во соработка со Македонската филхармонија, направија прекрасна композиција која е своевидна божикна честитка до благоверниот народ, за која беше изготвен и видеозапис, информира Македонската филхармонија.

bigorski-manastir-1

Спотот го подготви „Горила продукција“ чија екипа, како што информира Филхармонијата, за само два дена направила чудесен приказ на празничната божикна атмосфера во свештената Бигорска Обител, како извонредно надополнување на пораката за љубов и духовна радост што извира од стиховите.

Дел од костимите ги изработи Елена Пандева од модната куќа „Елена Лука“, долгогодишна соработничка на Бигорскиот манастир. Во проектот учествуваа и изведувачите на традиционални инструменти – Константин Секолуск (ут) и Хустреф Саид (канон).

Доколку преземете содржина од оваа страница, во целост сте се согласиле со нејзините Услови за користење.