Бразилскиот претседател Жаир Болсонаро има симптоми на Ковида-19, јави Си-Ен-Ен Бразил.
Според најавеното, езултатите од тестот се очекуваат во текот на денот, пренесува Ројтерс.
Болсонаро честопати им се спротивставувал на упатствата за физичко растојание, препорачани од повеќе здравствени експерти и го отфрлал вирусот како „мал грип“, поради што бил критикуван за намалување на сериозноста на епидемијата.
Бразил се најде на второто место во светот по бројот на заразени и мртви од коронавирусот, после САД, покажуваат податоците на сајтот Worldometers.
Во изминатите 24 часа во таа земја се евидентирани уште 20.229 случаи на коронавирус, кои вкупниот број заразени довеле до 1.623.284, соопшти Министерството за здравство на таа земја.
Според изјавата, загинале уште 620 лица, а досега се регистрирани 65.487 смртни случаи.
