Брисел: Велика Британија ќе плати милијарди фунти за да ја напушти ЕУ

Европската унија очекува од Велика Британија да ги подмири сите финансиски обврски и во случај на Брегзит без договор, изјави денеска портпаролката на Европската унија Мина Андреева.

Изјавата доаѓа откако британскиот премиер Борис Џонсон рече дека во случај на Брегзит без договор, Велика Британија веќе нема да ја има обврската за плаќање на 39 милијарди фунти кон Брисел, како што договори неговата претходничка Тереза Меј.

– Мора да се исполнат сите обврски кои ги презеле земјите-членки. Тоа посебно се однесува на сценариото Брегзит без договор, при што од Британија се очекува дека ќе продолжи да ги почитува сите обврски преземени за време на членството во ЕУ, потенцираше Андреева.

– Подмирувањето на сметките е клучно за почеток на нови односи, базирани на взаемна доверба, рече Андреева, дополнувајќи дека Лондон тоа прашање официјално не го отворил со Унијата.

Доколку преземете содржина од оваа страница, во целост сте се согласиле со нејзините Услови за користење.