Бројот на регистрирани случаи на зараза со новиот коронавирус SARS-CoV-2 во САД во четвртокот надминал четири милиони и укажува на забрзано ширење на заразата од првиот случај забележан на 21-ви јануари, според податоците кои ги собрала агенцијата Reuters.
Биле потребни 98 дена за во САД да бидат регистрирани првите милион случаи на заразата, а само 16 дена за да се стаса од три до четири милиона, според податоците на Reuters. Бројот на новите случаи на Covid-19 просечни расте за 2.600 лица на час, што е најголемата стапка на светот.
Како што епидемијата се ширеше по САД, од жариштето Њујорк кон југот и западот на земјата, сојузните и локалните власти се спорат околу начините како да се сузбие, вклучително и околу прашањето како и кога да се ублажуваат социјалните и стопанските ограничувања воведени за да се сузбие ширењето на заразата.
Флорида извести за нови 173 смртни случаи, што е рекордно зголемување на дневно ниво, според здравствените власти на оваа сојузна држава. Бројот на починатите од Covid-19 во САД во средата втор ден по ред се зголеми за над 1.100 лица, а рекордни дневни смртни случаи пријавиле Алабама, Калифорнија, Невада и Тексас.
Меѓутоа, дневниот број на смртните случаи во целите САД сѐ уште е значително под нивото од парик кога имаше по 2.000 смртни исходи дневно.
