Бројот на смртните исходи од Covid-19 зголемен за 7,1 отсто

За 7,1 отсто е зголемен бројот на смртни случаи во Македонија како последица од компликации предизвикани од болеста Covdi-19 коронавирус во однос на претходната седмица, покажуваат најновите податоци на Институтот за јавно здравје кои се однесуваат за периодот од 28-ми септември до 4-ти октомври.

Според податоците на институтот, во споменатиот период пријавени се 30 смртни случаи.

Во однос на возраста, 24 лица биле во групата над 60 години, а шест лица на возрасната група од 50 до 59 години. Додека 29 од случаите биле хоспитализирани, а само едно лице од починатите не било хоспитализирано. Коморбидитети се регистрирани кај 20 починати лица.

Институтот за јавно здравје соопшти и дека во наведениот период евидентирано е зголемување на бројот на нови случаи во однос на претходната недела од високи 35 проценти.

Доколку преземете содржина од оваа страница, во целост сте се согласиле со нејзините Услови за користење.