Се стравува дека 150 луѓе загинале во бродолом во близина на брегот на Либија. Други 150 се спасени и се враќаат кон Либија, изјави денеска портпаролот на УНХЦР, Чарли Јаксли.
Бродот ја напуштил Либија од Хомс, град оддалечен 120 километри источно од Триполи.
Околу 300 луѓе патувале, според првичните информации од преживеани, но нејасно е дали имало еден или два брода. Ако се потврдат тие информации тоа ќе биде најголем број загинати во бродолом во Медитеранот оваа година.
