Во текот на оваа година, бројот на невработени лица во светот ќе се зголеми за 3,2 милиони, така што вкупниот број ќе изнесува 203, 3 милиони луѓе. Ова се наведува во најновиот извештај на Меѓународната организација на труд (МОТ), кој беше презентиран на 103-та сесија на Генералната конференција на МОТ, пренесува ИТАР-ТАСС.
МОТ додава дека според пресметките до 2019 година бројот на невработени треба да се зголеми за уште 10 милиони и предвено е тој да изнесува 213 милиони луѓе. Оттаму додаваат дека растот на невработеноста не е поради глобалната економска криза, туку поради зголемувањето на бројот на активното работно население, поготово во земјите кои се во развој.
На високо нивно останува и младинската невработеност, односно 13 отсто од лицата на возраст од 15 до 24 години немаат постојани приходи. Според објавените информации тоа се 73,6 милиони лица, што е зголемување на 4,1 отсто во споредба со 2007 година.