Бугарија доби понуда да купи втора серија од осум воени авиони Ф-16

Бугарскиот министер за одбрана Драгомир Заков соопшти дека неговата земја ја добила понудата за купување на вторите 8 авиони Ф-16 од американскиот производител Локхид Мартин, пренесе БНР.

Како што јави дописникот на МИА од Софија, според Заков, рокот за одговор на понудата е почетокот на ноември, додавајќи дека се работи за предлог за договор, и тој мора да биде проследен до Народното собрание, содржеше рокови кои се прилично кратки, па затоа во голема мера ќе зависи од бугарскиот парламент – дали ќе работи или не.

До почетокот на ноември Бугарија мора да одговори на предлогот на Локхид Мартин, изјави министерот за одбрана Заков. Понудата, според него, по вредност е споредлива со првата од пред три години, но со многу поголем пакет на вооружување, бидејќи земјата има кредитно досие во работата со американскиот производител и ужива многу подобри услови за втората серија Ф-16 Блок 70.

Бугарија ќе има право да плати на рати за американските воени авиони што ќе ги нарача. Шемата допрва ќе се прецизира, категоричен беше бугарскиот воен министер.

Доколку преземете содржина од оваа страница, во целост сте се согласиле со нејзините Услови за користење.