Бугарија доби техничка влада – Стефан Јанев e назначен за премиер

Денес во Бугарија стапува на должност привремената влада. Стефан Јанев, блискиот советник за безбедност и одбрана на шефот на државата Румен Радев, е назначен за премиер.

Иако привремената Влада ќе биде со краток рок траење од два месеца, неодамна Радев изјави дека овој состав ќе има тешка задача и голема одговорност до следните избори кои ќе се одржат на 11 јули.

„61-годишниот Јанев беше заменик-премиер и министер за одбрана во претходната привремена влада. Тој ќе има задача да управува со пандемијата на коронавирусот и да обезбеди фер избори“, рече Радев.

Румен Радев меѓу другите го именуваше и бугарскиот амбасадор во Данска, Светлан Стоев, на местото на Захариева, како министер за надворешни работи.

Доколку преземете содржина од оваа страница, во целост сте се согласиле со нејзините Услови за користење.