Бундестагот по петиција го намали ДДВ-то за тампони и влошки

35

Германскиот парламент Бундестагот донесе одлука за намалување на данокот на додадена вредност на женските хигиенски потреби, како што се тампоните и влошките, откако петицијата за намалување на оданочувањето на овие производи собра над 81.000 потписи.

„По собраните 81.000 потписи, исцрпната расправа во Бундестагот и сесрдната поддршка од министерот за финансии Олаф Шулц, сега и официјално е: од 2020 година тампоните, влишките и другите производи за женска хигиена ќе се третираат како основни потреби и ќе се одданочуваат со 7 наместо со 19 отсто“, пренесува малдинското списание Neon преку берлинската компанија „Einhorn“ кои ја покренаа петицијата за намалување на ДДВ-то за споменатите производи.

Оваа петиција беше поддржана од многу познати имиња од германската јавност, а според соопштението на Neon, не станува збор само за финасиско прашање, туку и за рамноправност меѓу половите.

„Горди сме на она што заеднички го постигнавме. Месечниот циклус не е луксуз и затоа овие производи не смеат да се одданочуваат по повисоката стпка на ДДВ“, се вели во соопштението.

Доколку преземете содржина од оваа страница, во целост сте се согласиле со нејзините Услови за користење.