14.8 C
Skopje
петок, март 29, 2024

Царовска: Со билингвалните паралелки создаваме европски вредности и мултикултурализам

Министерката за образование и наука Мила Царовска денес учествуваше на вебинар по повод билингвалните паралелки во државата, организиран од гимназијата „Орце Николов“ и Амбасадата на Франција.

„Билингвалното образование се покажа досега како вистински репрезент на интеркултурализам, на учење за културата на францускиот народ, но и на пошироките европски вредности. Поддршката на ваков тип проекти е поддршка за прифаќање на глобални трендови и култури што се многу важни за развојот на новите генерации млади“, рече Царовска.

Министерката истакна дека голем број ученици од овие паралелки, низ годините, го продолжија своето образование во најпознатите академски центри на Франција и донесоа нови практики и нов пристап во креирање општествени и образовни политики.

„Имаме чест, исто така, дел од тие ученици и сега да бидат вклучени во креирањето на новите реформи за средно образование, преку анкети со кои даваат несебичен прилог да научиме и ние нешто од францускиот концепт за образование“, рече Царовска.

На вебинарот учествуваа и амбасадорот на Франција Сирил Бомгартнер и директорот на гимназијата „Орце Николов“ Митко Димовски.

Доколку преземете содржина од оваа страница, во целост сте се согласиле со нејзините Услови за користење.