Цените на нафтата паднаа на меѓународните пазари во понеделникот до 73 долари, при што инвеститорите заклучија дека контролата на кинеската влада врз долгот на локалните власти нема да го стимулира економскиот раст и побарувачката за енергетски производи.
На лондонскиот пазар цената на барелот во попладневното тргување беше пониска за 1,83 долари во однос на затворањето на трговијата минатиот петок и изнесуваше 73,04 долари. Во петокот ја затвори трговијата со загуба од 1,76 долари.
На американскиот пазар барелот денеска се тргуваше по пониска цена од 1,91 долари, од 68,47 долари. Во петокот го затвори тргувањето со загуба од 1,98 долари.
Организацијата на земјите извознички на нафта (OPEC) засебно извести дека во петокот барелот од референната нафтена кошничка на нејзините членки поевтинил за 48 центи, на 73,93 долари.
На крајот од минатата недела, трговците беа разочарани од потезите на Пекинг, кој треба да обезбеди контрола врз долгот на локалната власт. Владата го зголеми плафонот за задолжување на локалната самоуправа за шест трилиони јуани (836,4 милијарди долари) во период од три години, истакнувајќи дека официјалниот нов долг треба да го замени „скриениот“ долг и да го ослободи капацитетот на заемодавците да ја финансираат економијата.
„Инвеститорите се разочарани, бидејќи Пекинг не усвои директни стимулации, па цените на нафтата паднаа“, објаснува минатиот петок Џовани Стауново од UBS.
„Мерките нема да ја заживеат побарувачката на нафта во Кина, ниту ќе го стимулираат увозот“, прецизираше во понеделникот Тамаш Варга од PVM.
Кинескиот увоз е намален во октомври, петти месец по ред, и за девет отсто во однос на истиот месец лани, објави царинската управа на почетокот на минатата недела.
Цените на нафтата, исто така, ги кочи и посилниот долар, бидејќи ја ослабува побарувачката од купувачите со други валути. Индексот на доларот остро порасна веднаш по претседателските избори во САД, бидејќи инвеститорите шпекулираа дека победникот, републиканскиот кандидат Доналд Трамп, може да ја зајакне економијата со даночни и трговски политики.
Кон крајот на седмицата доларот се стабилизираше, а во понеделник беше малку над нивото на кое се искачи веднаш по изборите.
„По минатонеделните претседателски избори во САД, вниманието (на инвеститорите на пазарот на нафта) полека се враќа на основните фактори“ на понудата и побарувачката“, заклучвуа Варга.
Снабдувањето беше намалено минатата седмица и од ураганот Рафаел, затворајќи повеќе од една четвртина од производството во американскиот Мексикански залив и шест отсто од производството на гас, според податоците од регулаторите во неделата. Сепак, ураганот слабее, што значи дека и производството наскоро би требало да се нормализира.
