Цените на нафтата на меѓународните пазари во четвртокот пораснаа кон нивото од 78 долари за барел, поддржани од надежите дека ублажувањето на мерките за сузбивање на Covid-19 во Кина ќе ја заживеат побарувачката во најголемиот увозник на нафта во светот, и при доцнењето на испораките на руската нафта поради застојот на танкерите во Босфорскиот теснец.
На лондонскиот пазар цената на барелот во попладневното тргување беше повисока од 69 центи отколку на затворањето на тргувањето во средата и изнесуваше 77,86 долари. Вчера го заклучи тргувањето во минус од 2,18 долари.
На американскиот пазар, пак, со барелот денеска се тргуваше по 1,42 долари повисока цена, од 73,43 долари. Вчера го затвори тргувањето во минус од 2,24 долари.
Поради празниците во Австрија, каде што ѝ е седиштето, Организацијата на земјите извознички на нафта (OPEC) денеска не објави колку во средата чинел барелот од кошницата референтна нафта на нејзините членки. Во вторникот изнесуваше 79,77 долари.
Трговците во средата беа загрижени од податокот на американската влада за неочекуваниот силен раст од резервите од деривати во минатата седмица, за 6,2 милиони барели. Резервите на бензините, пак, пораснале за 5,3 милиони барели, што го засени силниот пад на резервите од сирова нафта за 5,2 милиони барели.
Податоците, иако нема информации за потеклото на набавките, сигнализираат слабеење на побарувачката, што ги загрижи пазарите, а расположението го придуши и предупредувањето од американските банки за многу веројатната рецесија во САД следната година.
Денеска вниманието повторно се насочи кон ублажувањето на мерките за сузбивање на коронавирусот во Кина и на застојот на танкерите со руска нафта на преминот од Црното Море во Медитеранот.
Кина во средата најави најобемно ублажување на политиката на нулта толеранција на коронавирусот од почетокот на пандемијата, а во Босфорскиот теснец за премин во Средоземното Море чекаат најмалку 20 танкери со руска нафта, којашто може да доцни на крајните дестинации.
Западните функционери разговарале со турските колеги за решавање на проблемот со доцнењето на танкерите, соопштија во средата од британското министерство за финансии.
Операторите со танкерите со руската нафта се обидуваат во што покус рок да ги испочитуваат новите турски прописи за осигурувањето на товарот и пловењето, воведени пред Г7 да ја ограничи цената на руската нафта. Г7 и ЕУ заедно со Австралија, им се заканија со санкции на осигурителните и на транспортните компании доколку превезуваат руска нафта поскапа од 60 долари.
„Застојот на танкерите упатува на заклучокот дека казнените мерки веќе влијаат врз достапното снабдување преку Црното Море. При здрава економска клима таквиот настан би значел почеток на трката на цените назад кон 100 долари“, вели за Reuters Тамаш Варга од нафтениот брокер PVM.
