Чавушоглу побеснел откако грчки пратеник го искинал турското знаме: Добро знаете како им ги кршиме рацете на оние кои нè допираат!

“Овие расистички глави најдобро знаат како им ги скршивме рацете на оние кои се обидоа да го допрат нашето славно знаме”, напишал Чавушоглу на Твитер.

Şanlı bayrağımıza uzanan elleri nasıl kırdığımızı, denize nasıl döktüğümüzü en iyi bu ırkçı kafalar bilir. Avrupa’nın şımarık, ırkçı çocukları hadlerini bilsin. Avrupa İslam karşıtlığı ve ırkçılığa artık dur demeli. pic.twitter.com/D9dSdeQa2m

— Mevlüt Çavuşoğlu (@MevlutCavusoglu) January 30, 2020

“Разгалените и расистички деца на Европа мора да ги знаат своите граници. Европа конечно треба да каже “стоп” за антиисламот и расизмот. Нашето знаме и понатаму гордо ќе се вее. Очекуваме Европскиот парламент да преземе потребни мерки во врска со овој кловн (Лагос)”, порачал Турчинот.

Грчкиот пратеник го искинал турското знаме во Европскиот парламент во текот на заседанието со назив “Хуманитарна ситуација на грчките острови”.

Лагос го изнел тврдењето дека грчкиот народ е на мета на напади од страна на мигранти, а потоа додал: “На една страна ја имаме Турција која може да направи што сака. Мигрантите пристигнуваат во нашата земја. Ова е турското знаме, што треба да направите со него, да го искинете и фрлите. Мораме да го запреме тоа”.