Челничката на ЕК ќе го посети западен Балкан до крајот на септември

11

Претседателката на Европската комисија, Урсула фон дер Лејен, најави во средата дека до крајот на септември ќе ги посети земјите од западен Балкан за да ја потврди доследноста во процесот на пристапување на овие држави во Европската унија.

„До крајот на месецот ќе го посетам овој регион. Со тоа сакаме да упатиме јасна порака за нашата предаденоста на пристапниот процес. Тоа им го должиме на сите млади кои веруваат во иднината на Европа“, изјави фон дер Лејен во своето излагање за состојбата на ЕУ на пленарната седница на Европскиот парламент во Стразбур.

Додаде дека Унијата ја зајакнува поддршката за западен Балкан низ новиот економски и инвестициски план кој изнесува околу третина од вкупниот бруто домашен производ (БДП) на регионот.

„Го правиме тоа бидејќи вложувањето во иднината на западен Балкан е вложување во иднината на Унијата“, рече фон дер Лејен.

Најави, исто така, продолжување на вложувањата во партнерствата во соседството на ЕУ, од јакнење на ангажманот во Источното партнерство до спрoведувањето на програмата за Средоземјето и продолжување на работата на различните аспекти од односот со Турција.

Доколку преземете содржина од оваа страница, во целост сте се согласиле со нејзините Услови за користење.