Четири лица повредени во сообраќајка на регионалниот пат Скопје – Тетово

Четири лица од кои две потешко се повредени во сообраќајна несреќа која вчера околу 20.30 часот во СВР Скопје се случила на регионалниот пат Скопје – Тетово.

Во несреќата, информира МВР, учествувале „фолксваген голф“ со скопски регистарски ознаки, управуван од М.П.(44) од с.Ласкарци, скопско и „сузуки свифт“ со косовски национални ознаки, управувано од М.З.(37) од с.Ласкарци.

-Во несреќата со тешки телесни повреди се здобил М.П., констатирани во Градска општа болница „Св.Наум Охридски“ – Скопје, како и сопатничка во патничкото моторно возило „сузики свифт“, С.М. (31) од Швајцарија, констатирани во Комплекс клиники „Мајка Тереза“ Скопје. Со телесни повреди во несреќата се здобиле возачот на возилото „сузуки свифт“ и сопатничката Л.Ш.П. (29) од Швајцарија, констатирани во Градска општа болница „Св.Наум Охридски“ – Скопје, велат од МВР.

Увид на местото извршила екипа од СВР Скопје.

Доколку преземете содржина од оваа страница, во целост сте се согласиле со нејзините Услови за користење.