Член на ИОК – проектот за Олимпијада 2024 е застарен поради коронавирусот

11

Членот на Интернационалниот олимписки комитет Ги Дрју, кој е поранешен олимписки шампион во пречки, верува дека организаторите на Олимпијадата во 2024 година треба да го променат проектот заради пандемијата на коронавирус.

– Кризата ќе има долгорочно влијание врз нашите животи, има економско и социјално влијание. Не може да помине без последици, а Олимпијадата не е исклучок. Оригиналниот проект е застарен и нема никаква врска со реалноста. Треба да го преиспитаме буџетот и да ги прилагодиме Игрите со новата реалност, изјави Дрју.

Олимпијадата во 2024 година треба да се одржи во Париз.

Доколку преземете содржина од оваа страница, во целост сте се согласиле со нејзините Услови за користење.