Професорот Љубомир Цуцуловски во гостувањето на Телевизија Алфа вечерва вели дека оваа власт ќе се дрзне да го промени уставното име.
„Досегашните потези од месец дена и повеќе, колку се на веќе на власт одат во таа насока или во прилог на моето тврдење дека оваа власт ќе се дрзне такво нешто да направи. Меѓутоа, со промената на името, јас не верувам дека ние ќе бидеме примени во НАТО, ниту пак сакам да бидеме примени во НАТО“, истакна Цуцуловски.
Според него, тоа е уште една замка. Променете го името, рече Цуцуловски, ќе бидете примени во НАТО, а НАТО е чекор кон Европската унија.
Додаде дека такво нешто не е можно бидејќи НАТО ја има Македонија како свој сојузник, а ЕУ самата почнува да се редефинира со излегувањето на Велика Британија.
