Да забраневте прелети на НАТО авионите кога го бомбардираа Белград, како сега за Лавров, ќе бевме респектирана држава, а не вазална територија

Лидерот на Левица, Димитар Апасиев ја критикуваше одлуката на Владата, која не му даде дозвола за летање на рускиот министер за надворешни работи, Сергеј Лавров.

„Да го забраневте македонското небо за прелети на НАТО авионите кои го бомбардираа Белград, на ист начин како што го забранивте прелетот на рускиот министер Лавров за Србија – досега ќе бевме респектирана држава, а не вазална територија владејана од октроирани квислинзи“, напиша Апасиев на Фејсбук.

Официјален Кремељ ја осуди постапката на македонските власти, кои во содејство со Романија, Бугарија и со Црна Гора му го забранија прелетот на Лавров.

Доколку преземете содржина од оваа страница, во целост сте се согласиле со нејзините Услови за користење.