Десет пожари во кумановско

Кумановските пожарникари гаселе десет пожари во села и приградски населби во Кумановско, соопштија денеска од Регионалниот центар за управување со кризи Куманово.

Сува трева и стрништа гореле во липковско Никуштак, по што интервенирале во блиското кумановско село Умин Дол. Напладне горела сува трева во Тромеѓа и во населбата Карпош.

Поголема површина била зафатена во Пуковско и Провце. Во гаснењето на пожарот биле ангажирани три возила на противпожарната служба и десет пожарникари.

И во Шупли Камен била зафатена поголема површина исто така и таму биле ангажирани три возила и десет пожарникари. Во Проевце горела површина над „Живкова Карпа“.

Во вечерните часови пожарникарите гаселе стрништа и сува трева во Речица, Ваксинце, Романовце и во населбата „Перо Чичо“, како и во село Брзак. Преку ноќта повторно горело во Романовце, пожарот бил изгаснат пред пет часот, утрово.

Доколку преземете содржина од оваа страница, во целост сте се согласиле со нејзините Услови за користење.