Дескоска не сака да зборува пред пратениците, сака на фејсбук: Очигледна е намерата за опструкции за Законот за ЈО

25

Министерката правда Рената Дескоска не сакаше денеска да зборува пред пратениците и да го образложи Законот за ЈО, како што бараше опозицијата, но напиша на својот фејсбук профил: „Очигледна е намерата на некои политички партии да го опструираат процесот на носење на Законот за јавно обвинителство. Очигледно е дека дел од стратегијата на ВМРО-ДПМНЕ е меѓу другото триесетина од нив да се јават за реплики на мојот говор и тоа би значело дополнителни 2,5 до три часа со реплики и контрареплики. Затоа одлучивме, ниту јас, ниту другите пријавени пратеници од СДСМ и коалицијата да не се јавуваме за збор, со што заштедуваме најмалку осум часа дебата по нашите говори, објави Дескоска на фејсбук.

Во објавата таа додава дека координаторот на ВМРО-ДПМНЕ, самиот од говорницата свесно или несвесно признал дека најмалку месец дена веќе го објаснувам и бранам законот во јавност.

-Значи, на сите им е јасно кои се последиците од овој Закон, а најмногу на осомничените и обвинетите за криминал и корупција, па затоа е паниката и ваквите бурни реакции на одредени политички партии. Кога не им успеа планот да го “трошат” времето со реплики на мојот говор и говорот на пратениците на власта, пробуваат да “купат” време со еден час пауза, наведува Дескоска на Фејсбук.

Доколку преземете содржина од оваа страница, во целост сте се согласиле со нејзините Услови за користење.