Деведесет и две лица досега се пријавени за учество во традиционалното фрлање на крстот на 19 јануари на Богојавление – Водици во Вардар во центарот на Скопје.
Пријавувањето почна на 2 јануари, а завршува денеска.
Спуштањето на крстот во водите на Вардар ќе биде на 19 јануари напладне, од мостот кај хотелот „Холидеј Ин“ и ќе го изврши поглаварот на Македонската православна црква г.г. Стефан.
Претходно, архиепископот г.г. Стефан во 9 часот ќе богослужи Златоустова литургија во црквата „Рождество на Пресвета Богородица“, а во 11:45 богојавленски литии ќе се упатат кон местото каде ќе се одржи традиционалната верска манифестација.
МИА
