ДИК: Сите неправилности се отстранети, гласањето тече без прекин

Излезеноста до 13 часот според податоците добиени од општинските изборни комисии (ОИК) на територија на РМ изнесува 27,11 проценти. На ниво на Град Скопје е 29,17 проценти, соопшти на денешната втора прес-конференција портпаролот на ДИК Љупка Гугучевска.

На ниво на Републиката највисока излезност од 47,53 проценти е забележана во Демир Капија, а најниска во Желино 17,71 процент.

Во скопските општини излезноста е следна: во Аеродром 33,97 проценти, во Бутел 28,44 проценти, во Гази Баба 29,34 проценти, во Ѓорче Петров 32,98 проценти, Карпош 34,64, во Кисела Вода 32,45 проценти, Сарај 20,31 процент, Центар 33,52 проценти, Чаир 21,88 проценти и во Шуто Оризари 19,16 проценти.

Во Скопје, според бројот на излезени гласачи, излезноста е највисока во Карпош 34,64, а најмала во Шуто Оризари 19,16 проценти.

Во однос на излезноста по општини, во Аеродром излезноста е 35,63 проценти, Арачиново 25,53 проценти, Берово 34,44 процент, Битола 28,85 проценти, Богданци 35,91 процент, Боговиње 17,93 проценти, Босилово 15,08 проценти, Брвеница 20,62 проценти, Бутел 28,44 проценти, Валандово 30,05 проценти, Василево 20,94 проценти, Вевчани 43,96 проценти, Велес 30,72 проценти, Виница 28,67 проценти, Врапчиште 15,17 процент, Гази Баба 29,34 проценти, Гевгелија 35,99 проценти, Ѓорче Петров 32,98 проценти, Гостивар 18,21 процент, Градско 27,09 проценти, Дебар 19,28 проценти, Дебрца 32,09 проценти, Делчево 32,92 проценти, Демир Капија 47,53 проценти, Демир Хисар 34,44 проценти, Дојран 33,2 проценти, Долнени 17,87 проценти, Желино 17,71 процент, Зелениково 31,33 проценти, Зрновци 30,73 процент, Илинден 24,8 проценти, Јегуновце 15,75 проценти, Кавадарци 34,7 проценти, Карбинци 30,38 проценти, Карпош 34,64 проценти, Кисела Вода 32,45 проценти, Кичево 26,06 проценти, Конче 27,58 проценти, Кочани 33,3 проценти, Кратово 37,53 проценти, Крива Паланка 40,77 проценти, Кривогаштани 26,6 проценти, Крушево 38,1 процент, Куманово 23,07 проценти, Липково 15.36 проценти, Лозово 38,01 процент, Маврово- Ростуше 17,61 процент, Македонска Каменица 41,3 проценти, Македонски Брод 35,72 проценти, Могила 20,57 проценти, Неготино 35,52 проценти, Новаци 38,84 проценти, Ново Село 20,54 проценти, Охрид 28,08 проценти, Петровец 31,53 проценти, Пехчево 37,85 проценти, Пласница 25,83 проценти, Прилеп 37,54 проценти, Пробиштип 36,07 проценти, Радовиш 24,21 процент, Ранковце 42,28 проценти, Ресен 26,99 проценти, Росоман 27,33 проценти, Сарај 20,31 процент, Свети Николе 35,6 проценти. Сопиште 30.3 проценти, Старо Нагоричане 27,68 проценти, Струга 22,71 процент, Струмица 26,74 проценти, Студеничани 21,32 проценти, Теарце 18,71 процент, Тетово 18,76 проценти, Центар 33,52 проценти, Центар Жупа 19,74 проценти, Чаир 21,88 проценти, Чашка 30,24 процент, Чешиново- Облешево 28,78 проценти, Чучер- Сандево 30,64 проценти, Штип 36,83 процент и Шуто Оризари 19,16 проценти.

На прашањето дали се регистрирани неправилности во текот на изборниот процес, Гугучевска изјави дека ДИК во моментов е во постојано заседание, односно има седница на која сите предизвици кои се појавуваат во текот на гласањето се решаваат.

– Сите неправилности се отстранети и гласањето тече без прекин, рече Гугучевска.

Од ДИК не ги коментираа забелешките на МОСТ во однос на неправилности во текот на гласањето и најавија прес-конференција во 18 часот на која ќе дадат пресек за излезеноста до 17 часот и за случувањата на избирачките места. (МИА)

Доколку преземете содржина од оваа страница, во целост сте се согласиле со нејзините Услови за користење.