Димитриевски: Мора да се постигне договор за македонскиот национален став и единство

Градоначалникот на општина Куманово Максим Димитриевски, вечерва порача дека мора да се изнајдат приоритетите по однос на македонскиот национален став и единство.

– Мора да излеземе сите и да изнајдеме приоритети, по однос на она што значи македонски национален став и единство. Мора да се изнајде политичка елита којашто ќе седне на маса и ќе потпише еден таков договор, без разлика дали се работи за левицата или десницата, да ги дефинира македонските национални интереси. Дали се работи за Заев, Мицкоски, Максим или кој било друг, но да го стави тоа на хартија и да не отстапува од таквите ставови во понатамошните раскусурување во политиката дали на домашен или на меѓународен план. А, дополнително да се обезбеди мнозинство коешто ќе работи во интерес на државата и нејзините европски интеграции, каде што во моментов, бидејќи е повеќе од јасно дека се блокирани, мора да се побара поголема помош и интервенција од страна на нашите стратешки партнери, а тоа се САД и ЕУ за да ја подосвестат другата страна во Бугарија дека сепак овде постои македонски народ, граѓани кои се европјани по своето место на раѓање. Македонија е во Европа, не е на друго место и да може да ги потурнеме нашите европски перспективи напред. Тоа што за мене е најважно е државата да се движи напред – рече Димитриевски.

Доколку преземете содржина од оваа страница, во целост сте се согласиле со нејзините Услови за користење.