Димовски: Улогата на ВМРО-ДПМНЕ во процесите што следат ќе биде драстично позначајна, Заев е свесен дека не е способен

36

„Овој процес кој што го видовме овие неколку дена значи факторизација на ВМРО-ДПМНЕ. Практично премиерот кој што до пред една недела велеше дека има цврсто мнозинство, дека може сам да владее и така натака дојде во ситуација отвора материјални дискусии за закони од типот на градежништво, од типот на пензионирање со опозицијата. И од тој аспект мислам дека улогата на ВМРО-ДПМНЕ во процесите кои што ќе следат во следниот период ќе бидат драстично позначајни“, појасни Илија Димовски од ВМРО-ДПМНЕ во централниот дневник на Сител телевизија.

Димовски додаде дека ќе се зацврсти позицијата на ВМРО-ДПМНЕ во давање на идеи, предлагање на закони, многу ќе важи сега гласот на оваа партија.

„Јас сум исклучително среќен што и партијата, и многу поединци кои што се вклучија во аргументирање на состојбата и од методолошки аспект и од здравствен аспект, успеавме да ја убедиме и власта и меѓународната заедница и сите релевантни фактори во државата дека пописот во овој период не може да се случи. Останува доволно голем простор од сега до септември да се разговара за методолошки работи и да се направи прецизна линија помеѓу тоа што се случува надвор од државата и што се случува внатре во државата. Нас прашањето кое што мора да го одговориме е принципот на попишување на резидентното население. Тој е принцип кој што го бара Еуростат и кој што за жал го немавме вклопено во сите процедури. Доколку нацртаме прецизна линија што е тоа резидентно население, а имаме доволно простор, има доволно простор да зборуваат доволно луѓе, има доволно простор и Собранието да ги разгледа тие прашања, ќе влеземе во еден попристоен момент“, рече Димовски.

Димовски посочи дека ВМРО-ДПМНЕ имаше над 30-тина амандмани за пописот, а власта не ги прифати, но еве сега можност сите мани на законот да се исправат.

Доколку преземете содржина од оваа страница, во целост сте се согласиле со нејзините Услови за користење.