Доделени наградите за „Со MaxTV на светското првенство во Бразил“

Македонски телеком информира дека денеска се доделени главните награди од наградната игра „Со MaxTV на светското првенство во Бразил“.

Тројцата добитници се Диме Поповски, Радомир Димитриевиќ и Катерина Јованоска, кои покрај повратен авионски билет добиваат и платено сместување за четири дена во хотел со 4 ѕвезди, платени трошоци за патна виза и билет за финалниот натпревар кој ќе се одигра на 13-ти јули на легендарниот стадион Маракана во Рио де Женеиро.

Наградите ги додели Густав Малер, главен оперативен директор за приватни корисници во Македонски Телеком и Т-Мобиле.
Право на учество имаа сите постојни корисници на еден од пакетите 3Max или 3Max Optic, како и сите нови корисници кои се одлучија за овој пакет. Влечењето се реализираше по случаен избор, со компјутерска програма, од базата на корисници.

Покрај главната награда, исто така беа извлечени и добитници на 20 Sony LCD телевизори, кои беа доделувани секој петок, од започнувањето на наградната игра, 25 април, 2014 година па се до нејзиното завршување.

Доколку преземете содржина од оваа страница, во целост сте се согласиле со нејзините Услови за користење.