Доњецк сака да ја воведе рубљата, Русија подготвува кредит

Властите на самопрогласената Доњецка Народна Република сметаат дека е неопходно да ја укинат украинската национална валута, гривната и да побараат од Русија кредит за стабилизација.

За тоа руската Државна Дума била известена од заменик министерот за надворешни работи, Борис Борисов.

-Единствен можен излез од тешката ситуација е придвижување на регионалната економија врз основа на руската рубља. За тоа е неопходно прво да се основа централна банка и да се добие кредит за стабилизација во Руската Федерација, со тоа што првата транша би била најмалку 30 милијарди рубљи, рекол тој.

donjeck-mahanje-sa-zgrade-administracije-foto-reuters-1401955984-509883

Борисов известил дека во Донбас дошло до „колапс“ на украинската гривна.

-Тоа ќе доведе до уништување на банкарскиот систем, а ќе следи и доцнење на исплатата на заработувачката, дополнителните часови и конечно до крах на домашната трговија, укажал Борисов.

Украинските сили вчеравечер и утрово го гранатирале Семјоновк, предградие на Славјанск. За време на ноќта одекнувале истрели и повремено се слушале експлозии, но утрово почнале жестоките напади. Оштетен е и градскиот водовод.

Властите на Доњецк јавуваат дека цела ноќ се пукало во градот, а утрово е нешто помирно. Жителите велат дека постојано надлетуваат хеликоптери на укринското воено воздухопловство.

Доколку преземете содржина од оваа страница, во целост сте се согласиле со нејзините Услови за користење.