ДУИ ги обвини Алијанса, Левица и ВМРО-ДПМНЕ за пукањето кај споменикот на Скендербег

Демократската унија за интеграција (ДУИ) најостро ги осудува инцидентите на антиевропските протести поттикнати од проруските елементи во нашето општество, вклучително и сценариото што вечерва беше реализирано на плоштадот Скендербег во Скопје.

– Инцидентот меѓу активистите на ВМРО, ЛЕВИЦА и Алијанса не може да не се смета за однапред смислен и испланиран од оваа коалиција бидејќи протагонисти беа токму овие три партии и нивните поддржувачи – истакнаа од ДУИ.

Според ДУИ, лицето што вечерва ги нападна своите коалициски партнери, вчера заедно со својот брат водеше кампања за ВМРО ДПМНЕ, додека денес е функционер на ВМРО, директор на Комунална Хигиена во Скопје.

ДУИ повикува на смиреност и не поттикнување на меѓуетнички инциденти и насилство на протестите.

-Антиевропските сили нема да успеат затоа што нашата земја е во НАТО и граѓаните ја сакаат Европа.

Доколку преземете содржина од оваа страница, во целост сте се согласиле со нејзините Услови за користење.