Две лица на возраст од 35 и 38 години ја загубија битката со Ковид-19 во Штип

45

Двајца пациенти, едниот на возраст од 35 години од Берово, а другиот 38 годишен од Штип, починаа во текот на вчерашниот ден на инфективното одделение.

Портпаролот на штипската Клиничка болница, Марина Шуманска информира дека пациентите во Ковид центарот ја изгубиле битката со корона вирусот, а повозрасниот пациент од Штип немал коморбидитети. Се очекува во текот на денот од раководството на болницата да информираат во каква состојба се донесени на одделението и кои компликации биле причина за смртта на младите пациенти.

Сите ковид пациенти се сместени на инфективното одделение кое е реновирано и со централен довод на кислород. Модуларната болница е затворена. Вкупно на инфективно се хоспитализрани 54 пациенти, а на 48 од нив им е потеребна повремена кислородна поддршка. Има 6 слободни кревети.

На одделнието за кожно-венерични болести се сместени 9 пациенти, чија клиничка слика е подобрена и чекаат на испис од болницата.

Доколку преземете содржина од оваа страница, во целост сте се согласиле со нејзините Услови за користење.