Две лица тешко повредени во сообраќајката на патот Ресен-Охрид

390

Двајца возачи се тешко повредени во сообраќајната несреќа која во петокот вечерта околу 20 часот се случи на магистралниот пат Ресен-Охрид, кај селото Крушје, информира во саботата Министерството за внатрешни работи.

Од полицијата информираат дека во несреќата учествувале возило „лада“ во вевчански регистерски ознаки управувана од 39-годишниот С.П. и автомобил „опел“ со охридски таблички управуван од 42-годишниот охриѓанец Љ.Ч.

Во несреќата со тешки повреди се здобиле двајцата возачи, Љ.Ч. бил пренесен во болницата „Свети Еразмо“ во Охрид од каде по укажаната лекарска помош е препратен во Клиничкиот центар во Скопје, додека С.П. е пренесен и задржан на лекување на битолската болница.

Сообраќајот до завршувањето на увидот беше во прекин во двата правци.

Доколку преземете содржина од оваа страница, во целост сте се согласиле со нејзините Услови за користење.