200 евра месечно трошат бугарските домаќинства за алкохол. Ова го покажуваат податоците на Евростат за потрошувачката на алкохол во 2017 година.
Вкупно, домаќинствата потрошиле една милијарда и 200 милиони лева на алкохол. Според податоците на бугарскиот Национален институт за статистика, околу 15 проценти од Бугарите конзумираат алкохол речиси секој ден или неколку пати неделно, што е бројка од 1 милион луѓе.
Мажите конзумираат 4 пати повеќе алкохол од жените. Секој втор маж претпочитал да пие жесток пијалок, а секоја втора жена вино. Студијата открила дека потрошувачката на алкохол кај тинејџерите е зголемена, просечниот Бугарин првпат пробал алкохол на 13 години. Младите од 13 до 18-годишна возраст претежно конзумираат пиво. Најмногу пари за алкохол издвоиле жителите на Естонија, Летонија и Литванија, а најмалку Шпанците, Италијанците и Грците.
