Џабари Бирд обвинет за семејно насилство

Кошаркарот на „Бостон Селтикс“, Џабари Бирд е уапсен за семејно насилство и напад врз сопругата. Бирд ја киднапирал, ја давел, ја удирал во стомакот, ја фрлил во ѕидот и ја спречил да ја напушти собата.

Бирд беше 56 пик на драфтот лани и одигра 12 натпревари во првата сезона за „Селтикс“. Ако се докаже дека е виновен за деталите содржани во обвинението, мала е веројатноста дека ќе може да ја продолжи кариерата во НБА.

Најважно е дека нашите мисли се со жртвата на овој инцидент. „Бостон Селтикс“ го осудува семејното насилство од секаков вид и ние сме многу вознемирени поради обвиненијата што го товарат Џабари Бирд. Понатамошните чекори ги презема Лигата, а не клубот, а „Селтикс“ ќе работат со Лигата и локалните власти за да ја завршат истрагата. Тимот нема понатамошни коментари на оваа тема, се вели во изјавата на „Селтикс“.

Доколку преземете содржина од оваа страница, во целост сте се согласиле со нејзините Услови за користење.