Џафери забрани обраќање на лидерот на опозицијата Мицкоски во Собранието

Талат Џафери, денеска не дозволи обраќање на лидерот на опозицијата Христијан Мицкоски во Собранието, кој денеска изутрина побарал од Собранието, согласно чл.72 ст.2 од Деловникот за работа на Собранието да има свое обраќање по повод расправата за Уставни измени.

Според упатените и досегашните практики,  Џафери со оваа своја постапка директно го прекрши Деловникот.

Со оглед на фактот што во овие моменти во законодавниот дом се расправа за потребата од Уставни измени кои имаат суштинско влијание, политичката криза во која влегува нашата земја како и значајноста која овој период ја има за иднината на Република Македонија, како и со оглед на сензитивниот момент, вниманието и контраверзите што ја предизвика оваа дебата во јавноста, ВМРО-ДПМНЕ како најголема политичка партија која е во опозиција, и чиј што Претседател, проф. д-р Христијан Мицкоски не е пратеник, а со тоа е оневозможен пред народните преставници да ги изрази своите погледи и ставови кон ова чувствително прашање, испраќаме барање да се овозможи негово обраќање на тековната пленарна седница по однос на предложените уставни измени.

Ова право го овозможува Деловникот за работа на Собранието, каде согласно член 72, став 2 од Деловникот овозможува Претседателот на Собранието да (цитираме) “може да покани на седницата на Собранието да присуствуваат и во работата да учествуваат претставници и на други органи и организации”, стои во барањето на ВМРО-ДПМНЕ  преку кое се бара законодавниот дом да му овозможи обраќање на партискиот лидер Христијан Мицкоски, кој не е пратеник, а поради, како што се истакнува, чувствителното прашање.

 

Доколку преземете содржина од оваа страница, во целост сте се согласиле со нејзините Услови за користење.