Еди Рама четврти во Европа, според популарност на интернет

46

Според најновата студија за популарност и податоци за интерактивност на социјалните мрежи, премиерот на Албанија, Еди Рама е четврти најследен политичар во Европа за 2020 година, со 1,3 милиони следбеници. Тој остави  зад себе многу лидери, вклучувајќи ги премиерите на Македонија и на Грција, но исто така и на моќни земји како што се премиерот на Австрија и премиерот на Норвешка.

Прв според бројот на следбеници е претседателот на Турција Реџеп Таип Ердоган, по што следи премиерот на Италија, Џузепе Конте, а по него на третото место е британскиот премиер Борис Џонсон. Од податоците што ги анализира „Терадата“, Рама е рангиран на шестото место во Европа според бројот на реакции на следбеници, со 5,6 милиони лајкови во текот на годината што ја оставивме зад нас. Уште еден многу интересен факт е што објавите на „Фејсбук“ го рангираат шефот на албанската влада на прво место меѓу европските лидери со 812 објави во 2020 година.

Доколку преземете содржина од оваа страница, во целост сте се согласиле со нејзините Услови за користење.