Единаесетгодишник од Англија има повисока интелигенција од Ајнштајн

 Јусуф Шах, момченце кое живее во Лидс, Велика Британија, според тестот за интелигенција на Mesna, е „попаметен“ и од славните научници Алберт Ајнштајн и од Стивен Хокинг.

„Сите на училиште мислат дека сум многу паметен и отсекогаш сум сакал да знам дали сум во првите два отсто меѓу луѓето кои го полагаат тестот Mensa“, изјави момчето за Yorkshire Evening Post.

Имено, 11-годишниот Шах на тестот освоил 162 поени – неговиот коефициент на интелигенција. Алберт Ајнштајн и Стивен Хокинг, за споредба, имале коефициент на интелигенција од околу 160. Инаку, шестоодделенецот сака да учи математика на Оксфорд или Кембриџ.

Неговиот татко вели дека тој едноставно има природно чувство за математика.

„Дури и неговите учителки секогаш кога ќе ги добиеме извештаите од училиштето велат ‘Нема што да го учиме, тој веќе знае сè’!’, нагласува таткото на малиот генијалец.

Доколку преземете содржина од оваа страница, во целост сте се согласиле со нејзините Услови за користење.