ЕК загрижена поради владеење на правото во Полска

19

Европската комисија денеска соопшти дека е „многу загрижена“ поради состојбата со владеење на правото во Полска каде што е усвоен спорниот закон кој ќе овозможи да бидат отпуштени судиите кои ги критикуваат одлуките на власта.

– Комисијата е многу загрижена за состојбата на владеењето на правото во Полска, особено поради конечното усвојување на законот што предвидува измени во организацијата на основните судови, изјави портпарол на ЕК.

Тој додаде дека ЕК претходно ја повикала Варшава да го прекине усвојувањето на законот во оваа форма.

– Комисијата нема да се двоуми да преземе соодветни мерки доколку има потреба. Најновиот развој на настаните само покажува дека е потребно што поскоро да се воспостави фер и конструктивен дијалог“, рече портпаролот.

Доколку преземете содржина од оваа страница, во целост сте се согласиле со нејзините Услови за користење.