Експлозија во руски супермаркет, едно лице е повредено

13

Во експлозија на гас која се случи денеска во еден супермаркет во рускиот град Владикавказ повредено е едно лице и причинета е огромна материјална штета.

Властите во Владикавказ, главниот град на Северна Осетија, потврдија дека едно лице е повредено и најверојатно станува збор за ноќниот чувар на објектот, а можно е уште едно лице да се наоѓа под урнатините по експлозијата, бидејќи зградата е целосно уништена, објави ТАСС.

– Според првичните податоци, неколку луѓе се наоѓале во зградата во моментот на експлозијата. Можно е едно лице да останало под урнатините, соопшти спасувачката служба.

Супермаркетот во кој се случи несреќата бил затворен за купувачите во моментот на експлозијата.

Доколку преземете содржина од оваа страница, во целост сте се согласиле со нејзините Услови за користење.