Елмас: Ова е голем меч, ќе го одиграме за цела држава

Во пресрет на натпреварот против Грузија за пласман на Европското првенство, македонскиот репрезентативец, Елиф Елмас најави голема борба за остварување на најдобриот резултат во историјата на нашиот фудбал.

– Нè очекува финале, еден натпревар и многу борба. Ќе биде тежок натпревар, влогот е голем, но за ова се подготвувавме и сите заедно ќе се обидеме да го дадеме својот максимум за да успееме. Ни треба концентрација и енергија во текот на сите 90 минути. Грузија исто така, има за цел да биде на Европското првенство, но треба да направиме работите на теренот да зависат од нас. Оптимист сум, ова е голем меч и ќе го одиграме и за себе и за тимот, но и за целата држава. Се надевам дека ќе успееме, ќе играме за пласман на Европско првенство – изјави Елмас за веб-страницата на ФФМ.

Натпреварот ќе се игра на 12 ноември во Тбилиси со почеток во 18 часот.

Доколку преземете содржина од оваа страница, во целост сте се согласиле со нејзините Услови за користење.