Емили Ратајковски е бремена, a полот на бебето/ детето ќе го одредат кога ќе наполни 18 години

Една од најпознатите топ-модели на светот, Емили Ратајковски, објави дека е бремена преку фотосесија за магазинот „Вог“ во која го покажа трудничкото стомаче.

Сепак, Емили, изјави дека нема да го открие полот на бебето.

-Кога со мојот сопруг им кажуваме на пријателите дека сум бремена, нивното прво прашање по „Честито“ е „Дали знаете што сакате?“. Сакаме да им одговориме дека нема да го знаеме полот додека нашето дете не наполни 18 години и ќе ни каже само. Сите се смеат на ова. Но, има вистина во нашата реплика, вистина која укажува на можности кои се покомплексни од гениталиите со кои ќе се роди нашето дете. Вистината дека на крајот на краиштата немаме поим кој или што расте во мојот стомак. Каква ќе биде таа личност? На каква личност ќе станеме родители? Како ќе ни ги промени животите и она што ние сме? – вели Ратајковски.

Емили е во брак со Себастијан Беар-Меклард од 2018 година.

Доколку преземете содржина од оваа страница, во целост сте се согласиле со нејзините Услови за користење.