Фудбалерот на косовска Дрита, Изаир Емини, е првиот македонски спортист позитивен на коронавирус, откако му бил направен тест во скопска приватна клиника.
Сите косовски фудбалски клубови започнаа тестирање, како прв чекор кон враќање на фудбалот по пандемијата. Во скопската клиника бил тестиран заедно со уште деветмина негови соиграчи, но само тој бил позитивен.
Поранешниот фудбалер на Шкендија и Ренова се чувствува добро и веднаш е ставен во изолација.
