На Волстрит во понеделникот пораснаа берзанските индекси, а најмногу скокнаа цените на акциите на нафтените компании, бидејќи цените на „црното злато“ силно пораснаа поради воениот конфликт на Блискиот исток.
Индексот Dow Jones зајакна 0,59 отсто, на 33.604 поени, додека S&P 500 порасна за 0,63 отсто, на 4.335 поени, а индексот Nasdaq за 0,39 отсто, на 13.484 поени.
На самиот почеток на вчерашното тргување индексите беа во негативната територија, бидејќи инвеститорите беа загрижени за воениот конфликт на Блискиот исток, откако борците на исламистичката организација Хамас во саботата го нападнаа Израел, кои возврати со воздушни напади врз Палестинците во Газа во неделата, при што загинаа стотици луѓе од двете страни. Судирите продолжија и во понеделникот.
Поради ова вчера имаше неизвесност на финансиските пазари, а поради евентуален прекин на испораката на нафта од Блискиот исток, цените на „црното злато“ нагло пораснаа. Благодарение на ова, S&P 500 индексот на енергетскиот сектор вчера беше најголем добитник со раст од 3,5 отсто.
Нагло пораснаа и цените на акциите на производителите на оружје. Така, уделот на „Northrop Grumman“ порасна за повеќе од 11 отсто, а „L3Harris Technologies“ речиси 10 отсто.
Од друга страна, цените на акциите на авиокомпаниите нагло паднаа и поради откажувањето на летовите за Тел Авив и поради зголемувањето на трошоците за гориво. Индексот S&P 500 на авиокомпаниите падна за 3,7 отсто.
На европските берзи цените на акциите вчера паднаа. Лондонскиот FTSE индекс ослабе за 0,03 отсто, на 7.492 поени, додека франкфуртски DAX се лизна за 0,67 отсто, на 15.128 поени, а париски CAC 0,55 отсто, на 7.021 поен.
