Ердоган: Нуклеарното оружје или да биде забрането или да е достапно за сите

35

Турскиот претседател Реџеп Тајип Ердоган, говорејќи на 74-та сесија на Генералното собрание на ОН во Њујорк, оцени дека е неправедно нуклеарното оружје како лост за притисок.

Тој повика или овој вид оружје да биде забрането или достапно за сите земји.

– Денес се соочуваме со проблеми произлезени од неправдата … Оние кои имаат нуклеарно оружје го користат како средство за притисок и им се закануваат на оние што го немаат. Треба или да го забраниме или да го дозволиме за секого, рече Ердоган .

Тој, исто така, повика на реформа на Советот за безбедност на ОН. – Светот е повеќе од пет земји (постојани членки на Советот за безбедност). Одамна дојде време  да се промени овој менталитет, рече турскиот претседател.

Доколку преземете содржина од оваа страница, во целост сте се согласиле со нејзините Услови за користење.