Европската агенција за лекови објави дека започнала со проценка на вакцината „CVnCoV“ против ковид-19 која беше развиена од германската компанија Кјурвак.
Одлуката за покренување на процесот за проценка на вакцини е заснована на студии кои сугерираат дека вакцината го зголемуваат производството на антитела и имуни клетки кои целат на вирусот кој го предизвикува ковид-19.
Компанијата Кјурвак моментално спроведува испитувања на луѓе како би се проценила сигурноста на вакцината, имуногеноста (колку ефективен е одговорот на вирусот) и ефикасноста против ковид-19, а од ЕМА наведуваат дека ќе се проценат податоците од овие и други клинички испитувања кога тие ќе станат достапни.
Во соопштението ЕМА наведува дека вакцината на компанијата Кјурвак делува така што содржи молекули на РНА кои кога се внесени во организмот носат информации за производство на протеини кои го користат вирусот SARS-CoV2 за да влезат во клетката, а имуниот систем го препознава овој протеин како странски и произведува антитела и активира клетки против него. Ако подоцна лицето дојде во контакт со вирусот SARS-CoV2, неговиот имунолошки систем ќе го препознае протеинот и ќе биде подготвен да го одбрани телото од вирусот.
Европската комисија минатата година одобри договор со компанијата Кјурвак која предвидува почетно купување на 225 милиони дози вакцини со можност од доставување додатни 180 милиони дози кога вакцината ќе се покаже како безбедна и ефикасна.
