ЕУ ги забрани цигарите со ментол

360

Во Европската унија во средата стапи на сила забраната за цигарите со ментол, во рамките на продолжените напори да се обесхрабрат младите луѓе да почнат да пушат.

Забраната за ароматизираните цигари и тутунски производи стапи на сила во 2016 година, но производите со пазарен удел поголем од 3 отсто, како што се цигарите со вкус на ментол, со изземање беа во продажба до денес.

Регулацијата е дел од директивата на ЕУ за тутунските производи кои се прифатени во 2014 година, по напорните прегововри, притисоците од тутунската индустрија и правните предизвици.

Директивата, исто така, наложува цигарите и тутунските производи на себе да содржат уште поексплицитни здравствени предупредувања, како и да прекриваат 65 отсто од предниот и заедниот дел од пакувањето. Државите членки, исто така, може да имаат и „оголени“ пакувања.

Со овие правила би требало да се намали стапката на пушење меѓу младите луѓе. Европската комисија наведува дека пушењето е најголемата причина за прерана смрт во ЕУ.

Во ЕУ, 26 отсто од целата популација и 29 отсто од младите луѓе на возраст меѓу 15 и 24 години пушат, според податоците на Комисијата.

Доколку преземете содржина од оваа страница, во целост сте се согласиле со нејзините Услови за користење.